मुंबईसह विविध भागातील रिलायन्स जिओ वापरकर्त्यांनी आज मोठ्या प्रमाणावर नेटवर्क समस्या अनुभवल्या (Jio Network Issue in Mumbai). अनेक वापरकर्त्यांना इंटरनेट कनेक्टिव्हिटी, कॉल ड्रॉप्स, आणि धीम्या स्पीडचा त्रास सहन करावा लागला.
डाऊनडेटेक्टरने नेटवर्क समस्या नोंदवली
डाऊनडेटेक्टर या सेवेनुसार, जिओच्या मोबाइल आणि फायबर सेवेत मोठा अडथळा निर्माण झाला आहे. सुमारे ६८% वापरकर्त्यांनी मोबाइल नेटवर्क समस्यांची नोंद केली, तर ३७% वापरकर्त्यांना इंटरनेट कनेक्टिव्हिटीची समस्या भेडसावली.
समस्या का निर्माण झाली?
रॉयटर्सच्या अहवालानुसार, मुंबईतील रिलायन्स जिओच्या डेटा सेंटरला लागलेल्या आगीमुळे देशभरात नेटवर्क अडथळा निर्माण झाला. आग नियंत्रणात आणली असून, लवकरच सर्व्हर पुन्हा सुरू होण्याची अपेक्षा आहे.
जिओने समस्या सोडवली
रिलायन्स जिओने अधिकृत वक्तव्य दिले की, “मुंबईतील काही जिओ वापरकर्त्यांना तांत्रिक कारणामुळे सेवा अडथळा झाला होता. आता ती समस्या सोडवली आहे.” जिओने त्यांच्या ग्राहकांची असुविधा झाल्याबद्दल खेद व्यक्त केला.
सोशल मीडियावर प्रतिक्रिया
या नेटवर्क समस्येमुळे जिओ वापरकर्त्यांनी सोशल मीडियावर तीव्र नाराजी व्यक्त केली. #JioDown हा हॅशटॅग ट्रेंडिंग झाला असून ग्राहकांनी सेवा अडथळ्याबाबत त्यांच्या नाराजीची भावना व्यक्त केली आहे.
