Bigg Boss Marathi Season 5 चा ग्रँड प्रीमिअर दिनांक २८ जुलै २०२४ रोजी धमक्यात पार पडला. सदर सीजन सिने अभिनेते रितेश विलासराव देशमुख होस्ट करीत असून, शो मध्ये सामील होणाऱ्या सर्व स्पर्धकांचे त्यांनी जंगी स्वागत केले. हा सिझन कलर्स मराठी वर प्रदर्शित होणार असून, रिलायन्स जिओ टीव्ही चे पेड मेम्बर्स असणाऱ्या सदस्यांना ऍप वर सुद्धा बघता येईल. सदर शो मध्ये १६ सदस्यांनी आजवर बिग बॉसच्या घरी प्रवेश केला असून आता जाणून घेऊया त्यांच्या बद्दल…
स्पर्धकांची नावे
स्पर्धक क्रमांक ०१ – वर्षा उसगावकर
वर्षा उसगांवकर एक जेष्ठ अभिनेत्री आहे. 1990 च्या दशकात त्या मराठी चित्रपटसृष्टीतील आघाडीच्या अभिनेत्री होत्या. त्यांनी अनेक मराठी आणि बॉलिवूड चित्रपटांमध्ये काम केले आहे.
स्पर्धक क्रमांक ०२ – निखील दामले
निखिल दामले एक अभिनेता आहे, ज्याने “रमा राघव”, “ऑलमोस्ट सुफल संपूर्ण”, आणि “हृदयात वाजे समथिंग” यांसारख्या टीव्ही शो मध्ये काम केले आहे.
स्पर्धक क्रमांक ०३ – अंकिता प्रभू वालावलकर (कोकण हार्टेड गर्ल)
अंकिता प्रभू वालावलकर, जी कोकण हार्टेड गर्ल म्हणून ओळखली जाते, एक प्रमुख सोशल मीडिया इन्फ्लुएंसर आहे. तिचे कोंकणी शैलीतील मनोरंजक व्हिडिओ आणि पोस्ट्समुळे ती खूप लोकप्रिय झाली आहे.
स्पर्धक क्रमांक ०४ – पॅडी कांबळे
पॅडी कांबळे हे एक हास्य अभिनेता आणि कलाकार आहेत, ज्यांनी आजवर त्यांच्या विशेष हास्य आणि उत्कृष्ट विनोदामुळे प्रेक्षकांचे मन जिंकलेले आहे.
स्पर्धक क्रमांक ०५ – योगिता चव्हाण
योगिता चव्हाण ही एक अभिनेत्री आहे, जी “जीव माझा गुंतला”, “नवरी मिळे नवऱ्याला” यासारख्या शोमध्ये झळकली आहे. तिच्या अभिनयामुळे ती प्रेक्षकांमध्ये लोकप्रिय आहे.
स्पर्धक क्रमांक ०६ – जान्हवी किल्लेदार
जान्हवी किल्लेदार ही एक मराठी टीव्ही अभिनेत्री आहे, जी “भाग्य दिले तू मला” या मालिकेत खलनायकी भूमिकांसाठी ओळखली जाते.
स्पर्धक क्रमांक ०७ – अभिजीत सावंत
अभिजीत सावंत हे इंडियन आयडॉलचे पहिले विजेते आहेत. त्यांनी बॉलिवूडमध्येही गायन केले आहे. त्यांच्या गायनामुळे त्यांना मोठी प्रसिद्धी मिळाली आहे.
स्पर्धक क्रमांक ०८ – घनश्याम दरवडे
घनश्याम दरवडे हा छोटा पुढारी म्हणून ओळखला जातो, त्याच्या राजकीय नेत्यांप्रमाणे बोलायच्या विशिष्ट शैलीमुळे त्याला लोकांची प्रसिद्धी मिळाली होती.
स्पर्धक क्रमांक ०९ – इरिना रुदाकोवा
इरिना रुदाकोवा बिग बॉस मराठीमध्ये सहभागी होणारी पहिली विदेशी स्पर्धक आहे. ती एक अभिनेत्री आहे आणि तिने कलर्स टीव्हीवरील “छोटी सरदारनी” या शोमध्ये काम केले आहे.
स्पर्धक क्रमांक १० – निक्की तांबोळी
निक्की तांबोळी एक दक्षिण भारतीय चित्रपट आणि टीव्ही अभिनेत्री आहे. ती बिग बॉस 14 आणि खतरों के खिलाडी 11 मध्ये सहभागी झाली होती, ज्यामुळे ती खूप लोकप्रिय झाली.
स्पर्धक क्रमांक ११ – वैभव चव्हाण
वैभव चव्हाण हा एक मराठी अभिनेता आहे जो “मन झालं बाजिंद” या झी मराठी मालिकेत प्रसिद्ध झाला. त्याच्या अभिनयामुळे त्याला मराठी प्रेक्षकांमध्ये विशेष स्थान मिळाले आहे.
स्पर्धक क्रमांक १२ – अरबाज पटेल
अरबाज पटेल (अरबाज शेख) हा एक मॉडेल आणि अभिनेता आहे, ज्याने एमटीव्ही स्प्लिट्सविला 5 मध्ये सहभाग घेतला होता. त्याच्या मॉडेलिंगमुळे आणि अभिनय कौशल्यामुळे तो ओळखला जातो.
स्पर्धक क्रमांक १३ – आर्या जाधव
आर्या जाधव ही एक रॅपर आहे, जी एमटीव्ही हसलमध्ये सहभाग घेतल्यामुळे ओळखली जाते. तिचे गाणे आणि रॅपिंग कौशल्य प्रेक्षकांना आवडते.
स्पर्धक क्रमांक १४ – पुरुषोत्तमदादा पाटील
कीर्तनकार पुरुषोत्तमदादा पाटील हे बिग बॉस मराठीच्या पाचव्या सीझनमध्ये सहभाग घेणारे आणखी एक प्रमुख नाव आहे. कीर्तनाला आधुनिक टच दिल्यामुळे त्यांना प्रसिद्धी आणि टीका दोन्ही अनुभवे लागले होते.
स्पर्धक क्रमांक १५ – धनंजय पोवार
धनंजय पोवार हे सोशल मीडियावर प्रसिद्ध असलेले व्यक्तिमत्व आहे. ते त्यांच्या सांस्कृतिक टचमुळे ओळखले जातात आणि त्यांच्या पोस्ट्समुळे लोकप्रिय आहेत.
स्पर्धक क्रमांक १६ – सुरज चव्हाण उर्फ गुलिगत धोका
रीलस्टार सुरज चव्हाण हे देखील या सीझनमध्ये सहभागी होणार आहेत. “गुलिगत धोका” ह्या नावाने ते सोशल मिडियावर प्रसिद्ध असून आगळ्या वेगळ्या आणि विचित्र पद्धतीने त्यांनी बनवलेल्या विडीयोना प्रेक्षकांची पसंदी लाभली आहे.
